السلام عليكم
اللي محتاج يحجز تكت بأرخص سعر ( للعمرة حصرا) و ما بيعرف بساعده فيها لوجة الله تعالى
و للي بيعرف يستخدم برامج السفر بحط هون الطريقة:
-بتدخل على برنامج kiwi مثلا و بتبحث عن رحلة الى جده مباشرة لكن بالعاده بتكون غالية، #فالحل الارخص انك تنزل الاردن بمطار العقبة او عمان بتكون سعر التكت على ريان اير اتجاهين (حسب التاريخ) تحت ال 100 يورو بدون شنتة 20 كيلو في الشهر الاول و الثاني و الثالث 2023.
_ بتبحث على شركات العمرة في العقبة او عمان و بتتواصل معهم لتنسق رحله كاملة مواصلات و سكن في المدينه ومكه بالعاده بالباص 10 ايام بتكلف بحدود ال 150 لل 200 يورو على الشخص و العروض مختلفة حسب انت شو طالب سواء باص VIP او طيران و نوع الفندق….
* البحث عن شركات العمرة عن طريق جوجل بطلعلك عشرات الشركات في عمان و العقبة بتوخذ منهم عروض و بتفهمهم انك بدك بس (مواصلات و فندق) لانه جزء من السعر رسوم الفيزا للأردني بنقص من السعر 80 دينار تقريبا فلا تدفع ثمن الفيزا مرتين.
* ممكن تحتاج تبات في العقبة او عمان استخدم موقع بوكينج و في كثيير خيارات بتبلش الليله من 10 دنانير و الجو حاليا دافي في العقبة و المدينة سياحية على البحر الأحمر و المنطقة حرة اي معفية من الضرايب يعني ارخص من عمان بالاضافه الى انه يعفى من رسوم الفيزا 40 دينار اللي بينزل بمطار العقبة.
* اتواصل مع السفارة السعودية و الاردنية لتعرف إجراءات الفيزا و المنصه اللي بسجلوا عليها (انا ما بعرف) لكن الشهر الماضي انزلت على العقبة و اكثر من نص الطيارة نازلين عمرة من العقبة و في فيزا مدتها سنه اسأل عنها.
⛔ملاحظة لا تعطي معلوماتك من رقم جوازك او كرت البنك او حتى رقم تلفونك و عنوانك…. و احذر من الروابط الي بده بساعد بيقدر يتابع خطوة بخطوة بدون هاي المعلومات ⛔
بتمنى اني اكون فدتكم و اذا في معلومة بيقدر غيرك يستفيد منها ضعها في التعليقات و ان شاء الله تجدها في ميزان حسناتك.
المقالة تعود للسيد محمد ابو يزن كتبها على مجموعة اورلاوب في أوربا
